Jo Bhi Dukh Yaad Na Tha Yaad Aya

Jo Bhi Dukh Yaad Na Tha Yaad Aya,
Aaj Kya Janiye Kya Yaad Aya.

Phir Koi Hath Hai Dil Par Jaisey
Phir Tera Ahd-E-Wafa Yaad Aya.

Jiss Tarah Dhund Main Liptey Huwey Phool,
Aik Aik Naqsh Tera Yaad Aya.

Aisi Majboori K Aalam Mein Koi,
Yaad Aya Bhi Tu Kya Yaad Aya.

Aye Rafiqoon Sar-E-Manzil Ja Kar,
Kya Koi Abla'pa Yaad Aya.

Yaad Aya Tha Bicharna Tera,
Phir Nahi Yaad Kay Kya Yaad Aya.

Jab Koi Zakham Bhara Daagh Bana,
Jab Koi Bhool Gaya Yaad Aya.

Yeh Mohabbat Bhi Hai Kya Rog "Faraz"
Jis Ko Bhuley Woh Sada Yaad Aya…!!!

♣▬ Main Aur Meri Tanhai ▬♣