Har Ghadi Khud Say Ulajhna Hai Muqaddar Mera,...

Har Ghadi Khud Say Ulajhna Hai Muqaddar Mera,
Main Hi Kashti Hoon Mujh Hi Mein Hai Samandar Mera,

Kis-say Puchhun K Kahan Ghum Hoon Barson Say,
Har Jagah Dhundta Phirta Hai Mujhay Ghar Mera,

Ek Say Hogaye Mausamon K Chehray Saaray,
Meri Aankhon Say Kahin Kho Gaya Manzar Mera,

Muddatein Beet Gayi Khawab Suhana Dekhay,
Jaagta Rehta Hai Har Neend Mein Bistar Mera,

Aaina Dekh K Nikla Tha Main Ghar Say Bahar,
Aaj Tak Hath Mein Mehfooz Hai Pathar Mera...!

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai