Apne Honton Pay Sajana Chahta Hoon,...

Apne Honton Pay Sajana Chahta Hoon
Aa Tujhe Mein Gungunana Chahta Hoon

Koi Aansuu Tere Daaman Pay Gira K
Boond Ko Moti Banana Chahta Hoon

Thak Gaya Mein Yaad Kartay Kartay Tujh Ko
Ab Tujhe Mein Yaad Aana Chahta Hun

Aakhri Hichki Tere Zaano Pay Aaye
Mout Bhi Shayarana Chahta Hun

Reh Gayi Thi Kuch Kami Ruswaayioun Mein
Phir “Qateel” Us K Dar Pay Jaana Chahta Hoon.

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai