Sab Waham O Ghuman Hamara Tha,...

Sab Waham O Ghuman Hamara Tha
Sagar K Sath Kinara Tha

Wo Aaj B Aankh Mein Jeeta Hai
Jis Khawab Ko Tumney Mara Tha

Murr Murr K Dhoondtey Hai Us Ko
Jis Ney Ek Bar Pukara Tha

Na Ghar Na Dar Na Baam Koi
Yeh Mann Punchi Banjara Tha

Ek Ek Ka Chehra Tuktey Hai
Is Shehar Mein Kon Humara Tha?

Us Ki Muskan Kabhi Dekho
Jo Jeeti Bazi Hara Tha

Wo Sach Ki Dourr Thamata Tha
Per Jhootha Us Ka Lara Tha

Sanjok Tha Kanch Ki Choori Sa
Wishwas Ka Naam Sitara Tha

♣▬ Main Aur Meri Tanhai ▬♣