Tumhain Jab Kabhi Milain Fursatain,...

Tumhain Jab Kabhi Milain Fursatain,
Meray Dil Say Bojh Utar Do.

Main Kayee Dino Say Udas Hoon,
Mujhay Aik Sham Udhar Do.

Mujhay Apnay Roop Ki Dhoop Do,
K Chamak Sakain Meray Khad-O-Khal.

Mujhay Aapnay Rang Mein Rang Do,
Meray Saray Rang Utar Do,

Kisi Aur Ko Meray Haal Say,
Na Koi Gharz Hay Na Koi Wasta.

Main Bikhar Giya Hoon Samayt Lo,
Main Bigard Giya Hoon Sanwaar Do.

Meri Wahshatoon Ko Barha Diya Hai,
Judayoun K Aazaab Nay.

Meray Dil Pay Hath Rakho Zara,
Meri Dhardkanoon Ko Qarar Do.

Tumhain Subha Kaho Kaisi Lagi,
Meri Khuwahishoon K Diyaar Mein.

Jo Bhali Lagay To Yahin Raho,
Aissi Chahaton Say Nikhar Do.

Wahan Ghar Mein Kaun Hai Muntazir,
Jisay Gham Ho Dair Savair Ka.

Yeh Mukhtasir Si Raat Hai,
Esay Chandni Mein Guzar Do.

Koi Baat Karni Hai Chand Say,
Kisi Shakh-Saar Ki Oot Mein.

Mujhay Rastay Mein Yahin Kahin,
Kisi Kanj-E-Gul Mein Utar Do.

♣▬ Main Aur Meri Tanhai ▬♣