Ghulab Aankhen Shrab Aankhen,...

"Aankhen"

 Ghulab Aankhen Shrab Aankhen'
Yahi To Hai La-Jawab Aankhen,

Inhi Mein Nafrat Inhi Mein Ulfat,
Sawab Aankhen Azab Aankhen,

Kabhi Nazar Me Balaa Ki Shokhi,
Kabhi Sarapa Hijab Aankhen,

Kabhi Chupati Hain Raaz Dil K,
Kabhi Hai Dil Ki Kitab Aankhen,

Kissi Nay Dekhi Jheel Jaissi,
Kissi Nay Paeen Sharab Aankhen,

Wo Aye To Log Mujh Se Bolay,
Huzur Aankhen Janab Aankhen,

Ajeeb Tha Guftagu Ka Aalam,
Sawal Koi Jawab Aankhen,

Yeh Mast Mast Bemisal Aankhen,
Nashy Mein Har Dam Nidhal Aankhen,

Uthen To Hosh-0-Hawas Cheehnay ,
Giren To Kar Dain Kamal Aankhen,

Koi Hai In K Karam Ka Talib,
Kissi Ka Shok-E-Wisal Aankhen,

Na Yun Jalen Na Yun Sataen,
Karen To Kuch Yeh Khayal Aankhen,

Hai JeeNay Ka Ek Sahara Yaro '
Ye Rooh Parwar Jamal Aankhen,

Daraz Palken Wisal Aankhen,
Musawri Ka Kamal Aankhen,

Sharab Rab Nay Haram Kardi,
Magar Q Rakhen Ye Halal Aankhen,

Hazaron In Se Qatal Hue,
Khuda K Banday Sanbhal Aankhen…!


♣▬ Main Aur Meri Tanhai ▬♣