Har Taraf Har Jagah Be-Shumaar Aadmi

Har Taraf Har Jagah Be-Shumaar Aadmi
Phir Bhi Tanhaaiyon Ka Shikaar Aadmi

Subh Se Shaam Tak Bojh Dhotaa Hua
Apni Hi Laash Ka Khud Mazaar Aadmi

Har Taraf Bhaagtey Daurtey Raastey
Har Taraf Aadmi Ka Shikaar Aadmi

Roz Jeetaa Hua Roz Martaa Hua
Har Naye Din, Naya Intezaar Aadmi

Zindagi Ka Muqaddar Safar Dar Safar
Aakhri Saans Tak Be-Qaraar Aadmi

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai