Humain Daryaft Karne Se Humain Taqseer Karne Tak

Humain Daryaft Karne Se Humain Taqseer Karne Tak
Bohut Hai Marhale Baqi Abhi Zanjeer Karne Tak

Humare Hijar K Qissay Sametoge Toh Likhoge
Hazaroun Baar Sochoge Hume Tehreer Karne Tak

Yeh Jugnoo Raqs Bhi Karte Nahi Ab Toh Hai Alam-E-Hairat
Sitare Gardishoun Mein Hai Kise Taqdeer Karne Tak

Zara Hum Bhi Toh Dekhein Jaoge Kahan Tak Aqir
Bohut Hai Pastiyan Hayeil Meri Tehqeer Karne Tak

Jahan-E-Khawab Se Aksar Hume Tumne Pukara Hai
Chalo Niklein Safar Par Ab Issay Tabeer Karne Tak

Bohut Anmol Hota Hai Magar Surat Hai Ek Baaqi
Tum Apni Zindagi Doge Yeh Dil Jageer Karne Tak???

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai