Main Aksar Usay Kehta Hoon,...

Main Aksar Usay Kehta Hoon,
Tum Shor Bohat Machaati Ho.

Phir Wo Mujhsey Kehti Hay,
Jab Kalaai Meri Tum Pakro Gay.

Chorri To Meri Khankay Gi,
Chorri Ka Shor To Hota Hay.

Jab Pyar Sy Mujhey Bhulao Gay,
Tab Dorr K Main To Aungi.

Phir Paayal Meri Khanky Gi,
Paayal Ka Shor To Hota Hay.

Jab Bindiya Meri Chamky Gi,
Yeh Aankh Me Teri Damky Gi.

Jazby Phir Shor Machayen Gay,
Jazbon Ka Shor To Hota Hay.

Zulf Meri Suljhaaty Huwey,
Jab Gajray Ko Bikhraao Gay.

Tab Saansain Meri Mehken Gi,
Saanson Ka Shor To Hota Hay…!!!

♣▬ Main Aur Meri Tanhai ▬♣