Dil Ki Cho-Khat Pay Jo Ek Deep Jala Rakha Hai,...

Dil Ki Cho-Khat Pay Jo Ek Deep Jala Rakha Hai
Tere Loat Anay Ka Emkaan Saja Rakha Hai

Saans Taak Bhi Nahi Laitey Tujhay Sochtey Hoyee
Hum Nay Is Kaam Ko Bhi Kaal Pay Utha Rakha Hai

Rooth Jatey Ho To Kuch Or Haseen Lagtey Ho
Hum Nay Yeh Soch K Hi Tum Ko Khafa Rakha Hai

Tum Jaisey Rootha Howa Chorr Gaye Thy Ek Din
Hum Nay Us Shaam Ko Seenay Say Laga Rakha Hai

Chain Lainey Nahi Daitey Yeh Kissi Toar Mujhey
Teri Yadoon Nay Jo Tufaan Utha Rakha Hai

Jaanay Walay Nay Kaha Tha K Wo Lotay Ga Zaroor
Ek Issi Aas Pay Darwaza Khula Rakha Hai

Tere Janay Say Jo K Dhool Uthi Thi Gham Ki
Hum Nay Us Dhool Ko Ankhon Mein Basa Rakha Hai

Mujh Ko Kal Shaam Say Wo Yaad Bohut Anay Lagay
Dil Nay Mud-dat Say Jo Ek Shaks Bhula Rakha Hai

Akhri Bar Jo Ayaa Tha Mere Naam
Main Nay Us Khaat Ko Kaalejay Say Laga Rakha Hai...!

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai