Khawab Sajanay Wali Ankhain,...

Khawab Sajanay Wali Ankhain,
Pal Bhar Main Banjar Hojain,

Rasta Taktay Taktay Thak Kar,
Umeedein Pathar Ho Jain,

Lab Par Thehri Ho Khamoshi,
Or Seenay Mein Hashar Barpa Ho,

Lafzon Ki Maala Ka Dhaaga,
Beech Say Jaisay Toot Gaya Ho,

Bhooli Bisri Sari Batein,
Main Bhi Shayed Yaad Bana Loon,

Bhool K Apnay Dukhrray Saray,
Honton Pay Muskan Saja Loon,

Tum Dhoondo Phir Mujh Mein Mujh Ko,
Or Mein Khud Mein Ghum Ho Jaoun,

Aisa Bhi Tu Ho Sakta Hai,
Main Bhi Ek Din Tum Ho Jaoun…!

♡♥♣▬ Main Aur Meri Tanhai ▬♣♥♡
http://www.facebook.com/urdupoetrytanhai