Chehray Parta, Ankhain Likhta Rehta Hoon,

Chehray Parta, Ankhain Likhta Rehta Hoon,
 Main Bhi Yeh Kaisi Batain Likhta Rehta Hoon?

 Mujh Ko Khat Likhnay K Taiwar Bhool Gaye,
 Aarri Tirchi Sattrain Likhta Rehta Hoon,

 Teray Hijar Mein Aur Mujay Kya Karna Hai,
 Teray Naam Kitabain Likhta Rehta Hoon

 Teri Zulf K Saaye Daihaan Mein Rehtay Hain,
 Main Subho Ko Shaamein Likhta Rehta Hoon,

 Apnay Pyar Ki Phool Mehakti Rahoon Mein,
 Logo Ki Deewarain Likhta Rehta Hoon,

 Tujh Se Mil Kar Saray Dukh Duhraoon Ga,
 Main Hijar Ki Sari Batain Likhta Rehta Hoon,

 Sookhay Phool, Kitabain, Zakham Judai K,
 Teri Sabb Soghatain Likhta Rehta Hoon,

 Us Ki Bheegi Palkain Hansti Rehti Hain,
 Mohsin Jab Tak Ghazlain Likhta Rehta Hoon…!

 Mohsin Naqvi

 ♥▬ Main Aur Meri Tanhai ▬♥