Chehry Pay Mere Zulf Ko Phelao Kisi Din,...

Chehry Pay Mere Zulf Ko Phelao Kisi Din
Kya Roz Garajtey Ho, Baras Jao Kisi Din

Raazon Ki Tarha Utro Mere Dil Mein Kisi Shab
Dastak Pay Mere Haath Ki Khul Jao Kisi Din

Peron Ki Tarha Husan Ki Barish Mein Naha Loon
Badal Ki Tarha Jhoom Kar Gher Aao Kisi Din

Khusboo Ki Tarha Guzro Mere Dil Ki Gali Say
Phoolon Ki Tarha Mujh Par Bikhar Jao Kisi Din

Guzrain Jo Mere Ghar Say, To Ruk Jayen Sitarey
Is Tarha Meri Raat Ko Chamkao Kisi Din

Main Apni Har Ek Saans Ussi Raat Ko De Doon
Sir Rakh Kar Mere Seeney Par So Jao Kisi Din

♣▬ Main Aur Meri Tanhai ▬♣