تو نے دیکھا ہے کبھی ایک نظر شام کے بعد

تو نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد

اتنے چپ چاپ کہ رستے بھی رہیں گے لا علم
چھوڑ جائیں گے کسی روز نگر شام کے بعد

میں نے ایسے ہی گنہ تیری جدائی میں کئے
جیسے طوفان میں کوئی چھوڑ دے گھر شام کے بعد

شام سے پہلے وہ مست اپنی اڑانوں میں رہا
جس کے ہاتھوں میں تھے ٹوٹے ہوئے پر شام کے بعد

رات بیتی تو گئے آبلے اور پھر سوچا !
کون تھا باعثِ آغاز سف شام کے بعد

تو ہے سورج تجھے معلوم کہاں رات کا دُکھ
تو کسی روزمرے گھر میں اُتر شام کے بعد

لوٹ آئے نہ کسی روز وہ آوارہ مزاج
کھلے رکھے ہیں اسی آس پہ در شام کے بعد

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai