Mohabbat Ki Saza Paayi Bohat Hai,...

Mohabbat Ki Saza Paayi Bohat Hai,
Mere Gham Mein Gehraayi Bohat Hai..,

Khadi Bheed Mein Aksar Sochti Hoon,
Mere Andar Tanhaayi Bohat Hai..,

Nahi Hai Aur Koi, Sirf Main Hoon,
Falaq Se Yeh Sada Aayi Bohat Hai..,

Kama Laaye Shohrat Sasti Si Hum Bhi,
Magar Is Mein To Ruswaayi Bohat Hai..,

Tasawur Shart Sab Kuch Saamney Hai,
Nazar Waalon Ko Beenaayi Bohat Hai..,

Na Bhar Paayenge Ab Chashm-E-Karam Se,
Ki In Zakhmon Mein Gehraayi Bohat Hai..,

Afsos,Usey Kahaan Main Bhool Paayi,
Jisey Bhulaaney Ki Qasmein Khaayi Bohat Hai...!

ღ♥♣▬ Main Aur Meri Tanhai ▬♣♥ღ
http://www.facebook.com/urdupoetrytanhai